Samarqand viloyatining Payariq tumanida uyushtirilgan ko‘pkarida g‘alati YTH sodir bo‘ldi. Bunda bir yuk mashinasi ikkinchisining ustiga chiqib ketdi.

Yo‘l harakati xavfsizligi Bosh boshqarmasi voqea bo‘yicha bergan bayonotiga ko‘ra, kecha, 14-noyabr kuni Polvonariq mahallasida ko‘pkari o‘tkazilgan. Bellashuvni ko‘rishga kelgan “Kamaz” yuk avtomobili haydovchisi e’tiborsizlik qilib, qo‘l tormozini tortmaganligi bois mashina pastlikka harakatlanib, o‘sha yerda turgan “Zil”ni belidan urib ustiga chiqib ketgan.
Xabarda keltirilishicha, voqeada tan jarohati olgan fuqarolar yo‘q.

• Samarqand
• YTH