Bir oilaning ikki farzandi og‘ir dardni boshidan o‘tkazmoqda. Ular yaxshilarning – saxovatpesha insonlarning ko‘magiga muhtoj.

Andijon viloyati Andijon shahrida yashovchi aka-singil – 2011-yilda tug‘ilgan Muxtorov Ibratillo hamda 2015-yilda tug‘ilgan Teshaboyeva Madinalar toz suyagi yemirilishi, ya’ni yuvenil idiopatik artirit bilan kurashib keladi. 

Bundan tashqari kichik Madinabonuni yurak rivojlanishining kichik anomaliyasi, TOPCh infeksiyasi (SMV, gerpes IgG), surunkali tanzillit kabi yondosh kasalliklar ham qiynab keladi. Uning harakatlari cheklangan.

Endigina 10 yoshni qarshilagan Ibratilloga ham surunkali o‘choqli infeksiya, surunkali tanzillit, o‘tkir rinofaringit, TORCh infeksiya (SMV, gerpes  IgG) o‘t yo‘llari diskineziyasi kabi kasalliklar tashxisi qo‘yilgan.

“Toshkentdagi shifoxonada qololmadik, dorilariga pul topolmadik, ular juda qimmat. Hozir ikkala farzandimning ham ahvoli og‘ir, uyga olib kelganman, dorilari qimmat”, – deydi bolalarning onasi Surayyo Ziyamuxamedova.

Ikki nafar xasta farzandini davolatishda moddiy tomondan qiynalib qolgan ona boshini qayerga urishni bilmaydi. U hech bo‘lmasa, kunlik dori-darmonlarni olib berish bilan dilbandlarining og‘rig‘ini yengillatsam deydi.

Xalqimiz azal-azaldan saxovatpesha, qo‘li ochiq va yordamga muhtoj bo‘lganlarga qo‘l cho‘zib ko‘mak berib kelgan. Ishonamizki, o‘quvchilarimiz Ibratillo va Madinabonuning holatiga ham befarq qaramaydilar. Ularning dori-darmonlari, muolajalari uchun yetarli mablag‘ to‘planadi va ular ham tengdoshlari qatori maktablariga chiqadilar va kelajaklari haqida orzu qilishadi.

Aka-singilning onasi Surayyo Ziyamuhamedovaning aloqa uchun telefon raqami:  +99897 706 76 57

Bank palastik kartasi raqmi Uzсard: 8600 1104 6858 7666 (Surayyo Ziyamuhamedova nomida)

• Xayriya