29°
Kechasi 18°
Oʻzbekistonlik afsonaviy atlet Osiyo oʻyinlaridan soʻng, Parijdagi Olimpiadaga tayyorgarlik koʻrishini maʼlum qildi.
Ayni kunlarda sport gimnastikasi boʻyicha Oʻzbekiston chempionati boʻlib oʻtmoqda.
Eʼtiborlisi unda ishtirok etgan afsonaviy atlet Oksana Chusovitina tayanib sakrash dasturida gʻalaba qozonib, ushbu yoʻnalishda tengsiz ekanini isbotladi. Mazkur muvaffaqiyatdan soʻng, Chusovitina fikr bildirdi.
– Oksana, navbatdagi chempionlik bilan tabriklaymiz. Hisoblab koʻrdingizmi, bu Siz uchun nechanchi mamlakat chempionligi?
– Rahmat, tabrik va eʼtibor uchun. Yoʻq, odatda men medallarimni sanamayman. Shu bois bu haqida aniq ayta olmayman.
– Osiyo oʻyinlarining qoldirilishi rejalaringizga qanday taʼsir oʻtkazdi? Agar 2023 yil ham faoliyatingizni davom ettirsangiz, Parij-2024 Olimpiadasi haqida oʻylab koʻrsa boʻladi.
– Bu haqida yaxshilab oʻylab koʻrdim va Osiyo oʻyinlaridan soʻng Parij-2024 Olimpiadasiga ham tayyorlanishga qaror qildim!
Maʼlumot uchun, Oksana Chusovitina 8 bor Olimpiya oʻyinlarida ishtirok etib, gimnastika tarixi va “Ginnesning rekordlari” kitobiga kiritilgan edi.
Agar u Parij-2024 Olimpiadasida ham ishtirok etadigan boʻlsa, oʻz rekordini yaqin davr ichida hech kim yaqinlasha olmaydigan qilib yangilaydi. Yana ham hayratlanarlisi, oʻshanda u 49 yoshida bu ishni amalga oshirgan boʻladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
