Koronavirus bilan og‘rigan odamlar, agar omikron shtamm virusi bilan kasallansa, kasallikning qaytarilishi avvalgi “delta” shtammiga qaraganda 5 barobar ko‘p uchramoqda. Bu haqda Londonning Imperiya kolleji epidemiologlarining juma kuni e’lon qilingan tadqiqotlarida aytiladi.

Olimlarning ta’kidlashicha, omikron shtammi paydo bo‘lishidan avval, kasallikni boshidan kechirgan odamlarning 85 foizida tabiiy immun tizimi tanani yarim yil davomida qayta kasallanishdan saqlagan bo‘lsa, endi bu ko‘rsatkich 19 foizga tushib ketgan.

Ma’lumot uchun, Jahon sog‘liqni saqlash tashkiloti Afrikaning janubida aniqlangan koronavirusning V.1.1.529 shtammini yunon harfi “omikron” bilan atagandi. Ushbu virusda mutatsiya holatlari ko‘p bo‘lib, Jahon sog‘liqni saqlash tashkiloti bu borada o‘zining havotirini aytgan.  

• London
• koronavirus