Pekin-2022 tashkiliy qo‘mitasi qishki musobaqa ishtirokchilariga Xitoyda taqiqlangan ijtimoiy tarmoqlardan foydalanish uchun imkon yaratadi.

Mezbon mamlakatda taqiqlangan tarmoqlar - Facebook, Instagram, Twitter,WhatsApp, Telegram va Google qidiruv tizimidir.

Pekindagi qishki olimpiada o‘yinlari tashkiliy qo‘mitasi akkreditatsiyasi bo‘lgan barcha ishtirokchilar yopiq tizimda internet xizmati bilan ta’minlanishini ma’lum qilgan. Sportchilar Olimpiya qishlog‘i, musobaqalar o‘tkaziladigan va musobaqadan tashqari tadbirlar joylari doxil olimpiada bosh obyektlarida yuqorida ko‘rsatilgan tarmoqlardan foydalanishlari mumkin. Akkreditatsiyasi bo‘lgan ishtirokchilar mehmonxonalarda o‘z uskunalarida Wi-Fi orqali internetga ulanish imkoniga ega bo‘lishlari ham ma’lum qilingan.

Shuningdek, Pekin va Chjanszyakou hududining istalgan yerida, qo‘mita tarif rejasi bilan birga taqdim etgan sim karta yordamida ochiq internet xizmatiga ega bo‘lish mumkin” - deb xabar beradi xalqaro Olimpiada qo‘mitasi.

Eslatib o‘tamiz, Pekindagi qishki Olimpiada 4-20 fevral kunlari bo‘lib o‘tadi.

• Olimpiada
• Sport