Olimpiada o‘yinlarida oltin medalni qo‘lga kiritgan bokschilar leytenant Abdumalik Xalokov va leytenant Lazizbek Mullojonovga muddatidan oldin katta leytenant unvoni berildi. Bu haqda Ichki ishlar vazirligi xabar berdi. 

Bundan tashqari, o‘yinlarda bronza medalini qo‘lga kiritgan dzyudochi, safdor Muzaffarbek To‘raboyev leytenant unvoni sohibi bo‘ldi.

Shuningdek, ushbu taqdirlash marosimida Olimpiya o‘yinlarining ishtirokchilari, Islomjon Bahromov, Yekaterina Voronina, Aktenge Keunimjayeva, Sharofiddin Boltaboyev, Murodjon Yo‘ldoshev va Aram Vardanyan Ichki ishlar vazirining “Faxriy yorlig‘i” va esdalik sovg‘asi bilan mukofotlandi. Isroil Madrimov esa “A’lo xizmatlari uchun” ko‘krak nishoni bilan taqdirlangan.

• Ichki ishlar
• Mukofot
• Olimpiada
• Taqdirlash