Yengil vazn toifasida UFC chempioni Charlz Oliveyra irlandiyalik Konor Makgregor bilan bo‘lib o‘tadigan jangning taxminiy vaqtini aytib o‘tdi.

“Jangimizni may oyida o‘tkazish – yaxshi variant. Konor men haqimda gapirishda davom etmoqda. Yaqinda u Tvitterdagi sahifasida “Irlandiya Braziliyaga qarshi” deb yozib qo‘yibdi.

Nafaqat u, balki men va butun dunyo bu jangni intiqlik bilan kutayapmiz. Shunday ekan, jangni tashkillashtiraylik. May oyida Konorni oktogonda kutaman.

Bizning jangimiz balki yengil, balki o‘rta, balki yarim o‘rta vaznda bo‘lar. Titulim bilanmi yoki titulsizmi menga farqi yo‘q. Faqat u rozilik bersa bas, tayyorgarlikni boshlab yuboraman” – deydi Oliveyra.

7-may kuni Rio-de-Janeyroda UFC 274 turniri bo‘lib o‘tishi rejalashtirilgan. Ayrim OAV bu jang Braziliyada bo‘lishini taxmin qilishmoqda.

• UFC