Bugun test sinovlari respublikamizdagi 73 ta katta sig‘imli yopiq binoda boshlandi.

Shu munosabat bilan Oliy ta’lim, fan va innovatsiyalar vaziri Qo‘ng‘irotboy Sharipov poytaxtda test imtihonlari o‘tkazilayotgan hududlarda bo‘lib, test jarayonlarini kuzatdi.

Shuningdek, imtihon topshirayotgan abituriyentlarning yaqinlari uchun tashkil etilgan kutish joyida vazir ota-onalar bilan suhbatlashib, ularning test sinovlarining tashkiliy jihatlariga munosabatlari haqida fikrlari bilan tanishib chiqdi.

Suhbat davomida kuzatuvchilar majmuada salqin joylar, farzandlarini imtihon jarayonida onlayn kuzatib borishlari uchun katta monitorlar o‘rnatilgani va volontyorlar xizmatidan mamnunliklarini bildirishdi.

Ma’lumot o‘rnida, bu yil 805 ming nafardan ziyod abituriyent testlarda ishtirok etishi kutilmoqda. Imtihonlar 25-iyulgacha davom etadi.

• Imtihon
• OTM
• Oliy ta'lim, fan va innovatsiyalar vazirligi