Olmaotada aksilterror maxsus operatsiya boshlangani va ayni paytda aeroport ozod qilingani aytilmoqda.

Kecha yarim tunda Qozog‘iston prezidenti mamlakatda sodir bo‘layotgan voqealarni tashqi tajovuz deb bilishini hamda norozilik namoyishlarini bostirishda KXShTga murojaatni “o‘rinli va o‘z vaqtida” deb hisoblashini aytib chiqdi.

“Olmaotada terrorchi to‘dalar beshta samolyotni, jumladan, xorijiy mamlakat samolyotini ham qo‘lga olgan. Shuningdek, terrorchilar Olmaota va boshqa shaharlarda bostirib kirib, infratuzilma binolarini egallab olishmoqda. Men shunday vaziyatda fuqarolarni himoya qilish uchun hammasiga tayyorman”, – dedi u.

Qozog‘iston Ichki ishlar vazirligi zo‘ravonlik avj olishining oldini olish uchun barcha choralar ko‘rilayotganini maʼlum qildi.

O‘z navbatida KXShT Qozog‘istonga tinchlikparvar kuchlarini yuborishga qaror qilgan.

Tashkilot raisi Pashinyan KXShT kontingenti vaziyatni barqarorlashtirish uchun vaqtincha Qozog‘istonga kiritilishini maʼlum qildi.

Olmaotadagi aksilterror operatsiyasida ishtirok etayotgan xavfsizlik kuchlari harbiy qurollar bilan qurollangan. Ayni paytda Olmaotada maxsus operatsiya boshlangan, aeroport ozod qilingan.

Qozog‘istondagi KXShT kuchlari tartib o‘rnatmasligi, ularning vazifasi harbiy infratuzilma va boshqa obyektlarni himoya qilishdan iborat ekanligi taʼkidlanmoqda.

Jinoiy guruhlar bilan mahalliy xavfsizlik kuchlarga shug‘ullanishi aytilgan.

Rossiya davlat Dumasining MDH bo‘yicha qo‘mitasi rahbari Kalashnikov KXShT qo‘shinlari mamlakat hukumati ularni olib chiqishni so‘ramaguncha Qozog‘istonda qolishini maʼlum qildi.

• KXShT
• Namoyish
• Qozog‘iston