Xitoy—Qirg‘iziston—O‘zbekiston temiryo‘li qurilishi rejadan avvalroq yakunlanishi mumkin. Bu haqda “O‘zbekiston temir yo‘llari” aksiyadorlik jamiyati boshqaruvi raisi birinchi o‘rinbosari Hikmatulla Rahmatov ma’lum qildi.

Uning bildirishicha, bu tashkilotning O‘zbekistondan tashqarida bo‘lgan birinchi investitsion loyihasidir. Hozirda qurilish jarayoni kutilganidan yuqori sur’atda kechmoqda.

Temir yo‘l qurilishi grafikdan ilgarilab ketgani, olti yilda topshirilishi rejalashtirilgan ushbu qurilma jarayon ketishiga qaraganda, to‘rt yilda bitishi mumkinligi aytildi.

“Bu birinchidan, Xitoy bilan Yevropa orasida, Xitoy bilan Markaziy Osiyo, Kavkaz davlatlari orasida bo‘lgan masofani mavjud yo‘limizga nisbatan 1000 kilometrdan ko‘pga qisqartiradi”, – degan Rahmatov loyiha qanday natija berishi haqida.

Eslatib o‘tamiz, ushbu loyiha bo‘yicha uch davlat o‘rtasida hamkorlik to‘g‘risidagi bitim 2022-yil sentyabr oyida Samarqandda imzolangandi.

• O‘zbekiston temir yo‘llari
• Qirg‘iziston
• Temiryo‘l
• Xitoy