Nyu-Yorkdagi Comex birjasi ma’lumotlariga ko‘ra, iyun oyiga mo‘ljallangan oltin fyucherslarining narxi tarixda ilk bor bir unsiya (31,1 gr) uchun 3500 dollardan oshdi. 22-aprel kuni ertalab savdolar chog‘ida oltin narxi 3509 dollarga yetdi. Keyinchalik fyucherslar biroz arzonlashdi.

Reuters ning qayd etishicha, oltin narxining oshishi AQSh prezidenti Donald Tramp va Federal zaxira tizimi rahbari Jerom Pauell o‘rtasidagi mojaro fonida davom etmoqda.

Oltin narxi odatda moliyaviy beqarorlik sharoitida o‘sadi. Investorlar oltinni xavfsiz aktiv deb bilishgani uchun unga sarmoya kiritadilar. Yil boshidan beri oltin deyarli 33 foizga qimmatlashdi.

• Narx-navo
• Oltin