$
11902.30 UZS
20.7
152.18 UZS
1.13
13780.48 UZS
31.09
31° Kechasi 18°

“Oltin qalam” XVIII Milliy mukofoti uchun xalqaro tanlov e’lon qilindi

14:06 / 15.03.2024

O‘zbekiston Jurnalistlar uyushmasi milliy va xalqaro jurnalistikaning eng yuksak yutuqlarini keng ommalashtirish, Yangi O‘zbekiston ruhiga mos yangicha tafakkur tarzini shakllantirish, milliy kontentni boyitish, yurtimizda inson qadrini ulug‘lash, odamlarning ong-u tafakkurini yuksaltirish, jamiyatimizda ochiqlik va oshkoralik muhitini mustahkamlash, OAV xodimlari fuqarolik pozitsiyalarini namoyon etishlari uchun sharoit yaratish hamda jurnalistlarda tanqidiy-tahliliy fikrlashni va ijodiy faoliyatga yangicha yondashuvlarni rag‘batlantirish maqsadida “Oltin qalam” XVIII Milliy mukofoti uchun xalqaro tanlovni e’lon qiladi. Bu haqda “UzA” xabar berdi.

Asosiy mukofotlar

1 ta Bosh milliy mukofot

Televideniye yo‘nalishi bo‘yicha:
Eng yaxshi jurnalistik material uchun milliy mukofot (1-, 2-, 3-o‘rinlar);

Radio yo‘nalishi bo‘yicha:
Eng yaxshi jurnalistik material uchun milliy mukofot (1-, 2-, 3-o‘rinlar);

Bosma nashrlar yo‘nalishi bo‘yicha:
Eng yaxshi jurnalistik material uchun milliy mukofot (1-, 2-, 3-o‘rinlar);

Internet nashrlari yo‘nalishi bo‘yicha:
Eng yaxshi jurnalistik material uchun milliy mukofot (1-, 2-, 3-o‘rinlar).

Chet ellik jurnalistning O‘zbekiston haqidagi eng yaxshi materiali uchun – 1 ta birinchi o‘rin, 4 ta ikkinchi o‘rin (TV, radio, bosma va internet nashrlari yo‘nalishlari bo‘yicha).

Shuningdek, 12 ta rag‘batlantiruvchi nominatsiya joriy etiladi. Tanlovning rag‘batlantiruvchi nominatsiyalari bo‘yicha qo‘shimcha e’lon beriladi.

Tanlov g‘olib va sovrindorlariga:

Tanlov Bosh milliy mukofoti sohibiga maxsus diplom, “Oltin qalam” statuetkasi va yengil avtomobil tantanali ravishda topshiriladi.

Birinchi o‘rinni olgan g‘oliblar diplom, “Oltin qalam” statuetkasi va bazaviy hisoblashning 200 barobari miqdorida pul mukofoti bilan;

Ikkinchi o‘rinni olgan g‘oliblar diplom, “Oltin qalam” statuetkasi va bazaviy hisoblashning 175 barobari miqdorida pul mukofoti bilan;

Uchinchi o‘rinni olgan g‘oliblar diplom, “Oltin qalam” statuetkasi va bazaviy hisoblashning 150 barobari miqdorida pul mukofoti bilan;

Tanlovning rag‘batlantiruvchi nominatsiyalari g‘oliblari diplom, “Oltin qalam” statuetkasi va bazaviy hisoblashning 100 barobari miqdorida pul mukofoti bilan taqdirlanadi.

Tanlovda har bir ishtirokchining 2023-yil 31-martdan 2024-yil 31-martgacha bosma va internet nashrlarida e’lon qilingan, radio va televideniyeda efirga uzatilgan 5 tadan 7 tagacha materiallari ko‘rib chiqiladi. Agar ijodiy jamoa – gazeta tahririyati tanlovda qatnashadigan bo‘lsa, gazetaning 5 tadan 7 tagacha sonini, tele yoki radiokanal jamoasi tanlovda ishtirok etadigan bo‘lsa, 5 tadan 7 tagacha eng yaxshi ko‘rsatuv yoki eng yaxshi eshittirishning elektron varianti (yoxud havolasi) ilova qilinadi.

“2023-yilda chop etilgan publitsistik janrdagi eng yaxshi kitob uchun” rag‘batlantiruvchi nominatsiyasi bo‘yicha tanlovda qatnashish istagida bo‘lganlar O‘zbekiston Jurnalistlar uyushmasiga kitobidan bir dona taqdim etadi.

Tanlovga taqdim etiladigan ijodiy ishlarga quyidagi hujjatlar ham ilova qilinadi:

muallif va uning professional faoliyati to‘g‘risidagi qisqacha ma’lumot (obyektivka);

muallifning pasport yoki ID-karta nusxasi, telefon raqami.

Jamoaviy ishtirok etuvchi OAVning ro‘yxatdan o‘tkazilganini tasdiqlovchi guvohnoma nusxasi va tashkilot rahbarining pasport yoki ID-karta nusxasi.

Tanlovga ijodiy ishlar O‘zbekiston Jurnalistlar uyushmasi va uning hududiy bo‘limlari, O‘zbekiston Respublikasi Tashqi ishlar vazirligi ko‘magida mamlakatimizning xorijiy davlatlardagi vakolatxonalari orqali, shuningdek, mualliflardan to‘g‘ridan-to‘g‘ri elektron shaklda tanlov matbuotda e’lon qilingan kundan boshlab joriy yilning 5-apreliga qadar qabul qilinadi.

Matbuot yo‘nalishi bo‘yicha ijodiy ishlar gazeta yoki jurnalda e’lon qilingan materiallarning nusxasi (pdf formatda);
Internet nashrlari bo‘yicha materiallarning havolasi (link, ssilkasi) ko‘rsatilgan holda;

televideniye bo‘yicha videomateriallar (3 daqiqadan 30 daqiqagacha telegram formatda (annotatsiyasi, qisqacha mazmuni bayoni bilan);

radio yo‘nalishi bo‘yicha audiomateriallar (3 daqiqadan 30 daqiqagacha, annotatsiyasi, qisqacha mazmuni bayoni bilan);

Rag‘batlantiruvchi nominatsiya – fotojurnalistika bo‘yicha ijodiy ishlar (JPEG, TIFF va PNG formatda annotatsiyasi, qisqacha mazmuni bayoni bilan);

O‘zbekiston Jurnalistlar uyushmasining 99-466-10-25 raqamiga ochilgan (O‘zbekiston Jurnalistlar uyushmasi) telegramiga yuborilishi so‘raladi.


Bu ham qiziq

O‘zbekistonliklar ta’limga bozor xizmatlari jami hajmining 3,7 foizini sarfladi

O‘zbekistonliklar ta’limga bozor xizmatlari jami hajmining 3,7 foizini sarfladi

Milliy statistika qo‘mitasi ma’lumotlariga ko‘ra, O‘zbekistonda 2025-yilning yanvar-oktyabr oylarida ta’lim sohasidagi bozor…
12:33 / 29.11.2025
Ko‘zga ko‘rinmaydigan zarar

Ko‘zga ko‘rinmaydigan zarar

Yuk ustiga o‘rnatilgan tartibda tent yopmasdan harakatlanish bilan bog‘liq 243 ta holat aniqlandi.
11:25 / 28.11.2025
O‘zbekistonda transport vositalari uchun ekologik stikerlar berish tartibi tasdiqlandi

O‘zbekistonda transport vositalari uchun ekologik stikerlar berish tartibi tasdiqlandi

Transport vositalarini ro‘yxatga olish va qayta ro‘yxatga olish jarayonida ularning toifalariga mos ravishda “yashil”, “sari…
12:22 / 29.11.2025
Toshkent yana bir nufuzli musobaqaga mezbonlik qiladi

Toshkent yana bir nufuzli musobaqaga mezbonlik qiladi

2026-yilda World Boxing tashkiloti kubogi bahslarining final janglari Toshkentda o‘tkaziladi.
09:38 / 28.11.2025
29-noyabr kuni kutilayotgan ob-havo ma’lumoti

29-noyabr kuni kutilayotgan ob-havo ma’lumoti

29-noyabr kuni Toshkentda havo o‘zgarib turadi, yog‘ingarchilik bo‘lmaydi. Sharqdan sekundiga 3-8 metr tezlikda shamol esadi…
16:34 / 28.11.2025
Tramp Baydenning ko‘plab farmonlarini bekor qiladi

Tramp Baydenning ko‘plab farmonlarini bekor qiladi

Donald Tramp avval ham Baydenning afv etish to‘g‘risidagi qarorlari haqiqiy emasligini, chunki ular sobiq prezidentning xaba…
14:23 / 29.11.2025
O‘zbekistonning Avstraliyadagi yangi elchisi tayinlandi

O‘zbekistonning Avstraliyadagi yangi elchisi tayinlandi

“O‘zbekiston elchisi (qarorgohi Singapur shahrida) Alisher Qayumov kecha Avstraliya General-gubernatori Samanta Mostinga ish…
10:25 / 29.11.2025
28-noyabr kuni kutilayotgan ob-havo ma’lumoti

28-noyabr kuni kutilayotgan ob-havo ma’lumoti

28-noyabr kuni Toshkentda havo o‘zgarib turadi, yog‘ingarchilik kutilmaydi. Sharqdan sekundiga 3-8 metr tezlikda shamol esad…
16:28 / 27.11.2025
Andijonda 2 nafar narkosavdogar 4508 dona “Regapen” bilan qo‘lga tushdi

Andijonda 2 nafar narkosavdogar 4508 dona “Regapen” bilan qo‘lga tushdi

Davlat xavfsizlik xizmati, Ichki ishlar va Bojxona organlari xodimlari hamkorligida Farg‘ona shahrida ularni qo‘lga olish ta…
08:22 / 29.11.2025
O‘zbekistonda havoning ifloslanishiga sabab bo‘layotgan inversiya uzoqroq davom etadi

O‘zbekistonda havoning ifloslanishiga sabab bo‘layotgan inversiya uzoqroq davom etadi

O‘zbekistonda sovuq antisiklon davom etishi sabab havo ifloslanishini kuchaytirgan harorat inversiyasi kutilganidan uzoqroq …
16:10 / 28.11.2025

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!