Bir muddat oldin O‘zbekistonda koronavirusning omikron shtammi aniqlangani, mamlakatda ehtiyot choralari kuchaytirilishi haqida xabar berilgan edi.

Ma’lum bo‘lishicha, O‘zbekistonga kelgan xorijiy davlat fuqarosidan omikron shtammi joriy yilning 7-yanvar kuni aniqlangan.

Shuningdek, Sanepidem xizmati boshlig‘ining birinchi o‘rinbosari Xolmamat Norboyev yangi shtamm bilan kasallangan xorijlik bilan samolyot bortida 200 nafar fuqaro ham bo‘lganini ma’lum qildi.

– Omikron shtammi aniqlangan chet el fuqarosi bilan bir samolyotda kelgan barcha yo‘lovchilar karantinga olingan. Ulardan 130 nafari o‘zbekistonliklar bo‘lib, ular uy sharoitida, 70 nafar chet ellik fuqarolar mehmonxona sharoitida karantin o‘tamoqda.

Omicron shtammi, dastlab, 7-yanvar kuni aniqlandi. Biroq ushbu tashxis bo‘yicha dunyoning yetakchi mutaxassislari bilan maslahatlashish, uzoq tekshiruvlar o‘tkazish va uni tasdiqlash bilan bog‘liq jarayonlar tufayli uni o‘z vaqtida e’lon qilish imkoni bo‘lmadi va ikki kundan so‘ng jamoatchilikka ma’lum qilindi, – dedi Norboyev. 

• SSV
• koronavirus