18°
Kechasi 7°
“Omikron”ning shiddat bilan tarqalishiga asosiy sabablardan biri koʻplab davlatlardagi aholining toʻrtdan bir qismi emlanmaganidir. Shu sababli yangi shtammga qarshi boshqa vaksina yaratish zarurati yuzaga kelgani yoʻq.
Dunyoda COVID-19ʼning yangi turi juda tezlik bilan tarqalayotgani tufayli Avstraliya, Avstriya, Botsvana, Belgiya, Buyuk Britaniya, Braziliya, Daniya, Germaniya kabi davlatlarda kasallikning yangi mutatsiyasi qayd etilgan. Endilikda ularning safiga AQSh va Janubiy Koreya ham qoʻshilib, bunday davlatlar soni jami 24 taga yetgan. Ammo JSST rahbarining taʼkidlashicha, bu koʻrsatkichlar, shubhasiz, oshib boraveradi.
Shuningdek, tashkilot aholini emlash jarayonlarini jadallashtirishga chaqirdi. Qolaversa, tashkilot xulosasiga koʻra, yangi mutatsiyaning paydo boʻlishi hozircha koronavirusga qarshi boshqa vaksina yaratish zaruratini yuzaga keltirgani yoʻq. Chunki amalda qoʻllanilayotgan vaksinalarning “omikron” shtammiga qarshi samaradorligining pastligi hali isbotlanmagan.
Taʼkidlanishicha, yangi shtamm uchun yangi vaksina yaratilmasligi bejizga emas. Chunki “omikron” qayd etilgan Janubiy Afrika mamlakatlari, xususan, JARda katta yoshli aholining toʻrtdan bir qismi hanuz emlanmagan. Shu bois Xitoy davlati 600 million doza COVID-19ʼga qarshi vaksinani Afrika mamlakatlariga yetkazib berishga qaror qilgan.
Gretsiyada ham vaksinatsiya jarayonlarini tezlashtirish choralari koʻrilmoqda. Mamlakat bosh vazirining bayonot berishicha, 60 yoshdan oshgan aholiga vaksina olish majburiy boʻladi. Emlanmaganlar oyiga 100 yevro miqdorida jarima toʻlaydi.
Avstraliya esa besh nafar yoʻlovchida “omikron” aniqlangach, mamlakatga keluvchi xorijliklar uchun amalda boʻlgan cheklovlarni yumshatish masalasini ortga surdi. Mahalliy aholiga ham jiddiy sabab koʻrsatilmasa, chet-elga chiqish taqiqi saqlanib qolmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
