Shavkat Mirziyoyev 18-sentabr kuni Nyu-Yorkda AQShning yetakchi investitsiya kompaniyasi Oppenheimer boshqaruvchi direktori Jon Tonelli bilan uchrashdi. Bu haqda deb prezident matbuot xizmati xabar berdi.

Investitsiya banki 36 milliard dollarlik aktivlarga ega boʻlib, muzokaralar chogʻida Oʻzbekistonda loyihalarni amalga oshirish masalalari muhokama qilindi.

Jon Tonelli sanoat quvvatlarini yaratish va modernizatsiya qilish bo‘yicha yirik loyihalarga xususiy investitsiyalarni jalb etish bo‘yicha erishilgan kelishuvlarni mamnuniyat bilan qayd etdi.

Birinchi bosqichda toʻqimachilik klasterlari, qurilish materiallari sanoati korxonalarini rivojlantirish, Toshkent shahri infratuzilmasini rivojlantirish loyihalarini moliyalashtirish rejalashtirilgan.

Bundan tashqari, kichik va oʻrta biznesni qoʻllab-quvvatlashga investitsiyalarni yoʻnaltirish koʻzda tutilgan.

Shavkat Mirziyoyev belgilangan rejalarni ma’qullab, tez fursatda amaliy ishlarni boshlash bo‘yicha mas’ullarga topshiriq berdi.

• AQSh
• Hamkorlik
• O‘zbekiston
• Toshkent