Oppo o‘zining "Air Glass" deb nomlangan aqlli ko‘zoynagini taqdim etdi. Yangilik qo‘shimcha reallik bilan to‘ldirilgan bo‘lib, u o‘ng ko‘z qarshisida ma’lumot aks ettiradi. Qurilma INNO Day 2021 konferensiyasida namoyish etildi.

Xuddi shunga o‘xshash mahsulotlardan farq qilib,  Oppo ko‘zoynagi foydalanuvchining ko‘zi qarshisida virtual 3D obyektlar hosil qilmaydi, u ko‘z oldida 2D proyeksiyalar ko‘rsatadi.

Qurilmani qo‘l tekkizish, ovoz, qo‘l va bosh harakati bilan boshqarish mumkin. Deylik, xabarlarni ko‘rish uchun boshni qimirlatishning o‘zi kifoya. Bir narsani qayd etib o‘tish zarurki, smart-ko‘zoynak Oppo smart-soatlari va smartfonlari bilan birga ishlaydi.

Smart-ko‘zoynakka Qualcomm Snapdragon 4100 prosessori o‘rnatilgan bo‘lib, u tinimsiz 3 soat, kutish rejimida esa 40 soat ishlashi mumkin. Qurilmaning umumiy og‘irligi 30 gramm.

Qurilma Wi-Fi, Bluetooth va GPS bilan ishlay oladi, bundan tashqari ichki dinamika va mikrafonga ega.

• texnologiya