Yangiyo‘l tumanida xorijiy OTMga o‘qishga kiritish bilan bog‘liq firibgarlik holati fosh etildi.

Ma’lum qilinishicha, Bosh prokuratura huzuridagi Departament hamda DXXning Yangiyo‘l tumani bo‘limlari tomonidan o‘tkazilgan tezkor tadbirda, fuqaro A.X. A.I. bilan o‘zaro til biriktirib, Sh.R.ning ishonchiga kirgan. Dastlab, uni Qirg‘iziston Respublikasi Osh davlat universitetiga o‘qishga kiritib qo‘yib, birinchi kursni tamomlagach yuqori lavozimda ishlovchi tanishlari orqali 2-kursni Toshkent davlat farmasevtika institutiga ko‘chirib berishni 10 000 AQSh dollar evaziga kelishgan.

Shuningdek, o‘qishga kiritishni va’da qilgan shaxslar oldindan 4 500 AQSh dollarini firibgarlik yo‘li bilan olayotgan vaqtida ashyoviy dalillar bilan ushlangan.

Ma’lumotlarga ko‘ra, ayni damda mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

• Firibgarlik
• Ta'lim