Nyu-Yorkda o‘qituvchi o‘smirga COVID-19 vaksinasini ota-ona ruxsatisiz qo‘llagani uchun hibsga olindi.

Ma'lumotlarga ko'ra, Laura Parker Russo ismli o‘qituvchi o‘z uyida 17 yoshli o‘smir yigitni vaksina bilan emlagan va o‘smir zudlik bilan bu haqda onasiga xabar bergan. Shuningdek, yigitning onasi o‘g‘liga emlanishiga ruxsat bermaganligiga qaramay unga vaksina qo‘llanilgani uchun politsiya chaqirgan.

Ma’lum qilinishicha, politsiya holat yuzasidan tergov ishlarini boshlab yuborgan. Shuningdek, 54 yoshli Parker Russo tibbiy ma’lumotga ega emasligi va vaksina qo‘llashga vakolatga ega bo‘lmay turib o‘smirni emlagani uchun hibsga olingan. O‘qituvchi o‘smirga qo‘llagan vaksinani qayerdan olgani hozircha noma’lum ekanligi ta’kidlanmoqda.

• COVID-19
• Vaksina
• koronavirus