Bugun TACCning xabar berishicha, o‘smir qiz maktabga o‘qotar qurol olib kelgan va undan bir necha marta o‘q uzgan. Qurol maktab o‘quvchisining otasiga tegishli ov miltig‘i bo‘lgan.

Bryansk ma’muriyatining ma’lumotiga ko‘ra, otishma natijasida bir nafar bola halok bo‘lgan, besh nafari yaralangan. RIA Novosti qiz dastlab boshqalarni otib oxirida esa o‘ziga o‘q uzganini ma’lum qildi.

Rossiya Sog‘liqni saqlash vazirligi tomonidan otishma qurbonlarining ahvoli o‘rtacha og‘ir deya baholanmoqda. Otishmaga qizning sinfdoshlar bilan o‘zaro kelishmovchiligi sabab bo‘lgan degan taxmin mavjud.

Voqeaga guvoh bo‘lgan maktab o‘quvchilari, o‘qituvchilar va ota-onalarga psixologik yordam ko‘rsatilmoqda, deb xabar qildi Rossiya Federatsiyasi ta’lim vazirligi.

Bryansk gimnaziyasida otishma sodir etgan qizning otasi so‘roq qilish uchun tergovga olib ketilgan.

• Rossiya