Ijtimoiy tarmoqlarda tarqalib, keng muhokamalarga sabab boʻlgan “Al-Azxar” oʻquv markazi oʻqituvchisining xatti-harakatlari bilan bogʻliq holat yuzasidan rasmiy axborot berildi.

Unga koʻra, bugun jinoyat ishlari boʻyicha Shayxontohur tuman sudida Maʼmuriy javobgarlik toʻgʻrisidagi kodeksning 183-moddasi (mayda bezorilik) boʻyicha A. B. (1977 yilda Toshkent viloyatida tugʻilgan, muqaddam Maʼmuriy javobgarlik toʻgʻrisidagi kodeksning 241-moddasi (diniy taʼlimotdan saboq berish tartibini buzish) bilan maʼmuriy javobgarlikka tortilgan) ga nisbatan yuritilgan maʼmuriy ish koʻrib chiqilgan.

Sud majlisida aniqlanishicha, huquqbuzar 2023-yil 27-yanvar kuni soat taxminan 9:30 larda Shayxontohur tumani hududida joylashgan “Al-Azxar” oʻquv markazi binosida boʻla turib, jamiyatda yurish turish qoidalarini qasddan mensimasdan, jamoat tartibini buzib, fuqaro M. A. ni soʻkib, mayda bezorilik sodir etgan.

Jinoyat ishlari boʻyicha Shayxontohur tuman sudining 2023-yil 30-yanvardagi qarori bilan A. B. ga Maʼmuriy javobgarlik toʻgʻrisidagi kodeksning 183-moddasi bilan 3 sutka maʼmuriy qamoq jazosi tayinlangan.

Shuningdek, O‘zbekiston musulmonlar idorasi ichki nazorat komissiyasi Toshkent viloyati Toshkent tumani “Eshonxo‘ja ota” masjidi imom-xatibi A. B.ni egallab turgan lavozimidan ozod etish to‘g‘risida xulosa qilgan.

• Imom-xatib
• MJtK
• Sud
• Toshkent