Andijon viloyati Maktabgacha va maktab ta’limi boshqarmasi xabar berishicha, Oltinko‘l tumanidagi 38-maktab direktori ishdan olingan.

Ma’lumotlarga ko‘ra, kuni kecha ijtimoiy tarmoqlarda muhokamaga sabab bo‘lgan holat joriy yilning 30-oktyabr kuni 14:30 lar chamasida maktab sinfxonasida sodir bo‘lib, unda maktab sinfxonasida pirotexnika vositalaridan foydalangan bir guruh o‘quvchi-yoshlarni tartibga chaqirish jarayonidagi maktab direktori M.Mning xatti-harakatlari tasvirga olingan.

“Mazkur holatda maktab direktori M.M o‘quvchilarga nisbatan pedagogik etika qoidalari doirasida munosabatda bo‘lmaganligi sababli egallab turgan lavozimidan ozod etilib, hozirda hujjatlar rasmiylashtirilayotganligini ma’lum qilamiz” – deyiladi boshqarmaning bildirgan rasmiy munosabatida.

• Andijon
• Maktabgacha va maktab ta'limi vazirligi
• direktor