Oliy Majlis Qonunchilik palatasidagi O‘zbekiston Ekologik partiyasi fraksiyasi yig‘ilishida dastlab “O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi mazmun-mohiyati atroflicha muhokama qilindi.

Ta’kidlanishicha, ushbu davlat dasturida “yashil iqtisodiyot” tamoyillarini keng joriy qilish, ekologik jihatdan qulay va farovon yashash muhitini shakllantirish, aholining salomatligini yaxshilash, tabiiy resurslarni tejash va ulardan oqilona foydalanish, ekologik barqarorlikni ta’minlash va boshqa masalalarga alohida e’tibor qaratilgan.

Deputatlar “Yashil makon” umummilliy loyihasi va “Mening bog‘im” loyihasi doirasida 200 million tup daraxt hamda butalar ekish, “Soyali sayr ko‘chalari” tarmog‘ini yaratish, Orol dengizi tubida 100 ming gektar “yashil maydon” barpo etish va Orolbo‘yi mintaqasidagi o‘rmonzorlar 2,1 million gektarga, o‘rmon bilan qoplangan maydonlarni 4,1 million gektarga yetkazish bo‘yicha belgilangan vazifalar fraksiya dasturiy maqsadlariga hamohang ekanligini ta’kidlagan.

• Orol dengizi