Toshkent shahar hokimi Jahongir Ortiqxo‘jayev boshchiligida Uchtepa tumani hokimligida yig‘ilish bo‘lib o‘tdi. Yig‘ilishda Uchtepa tumanida aniqlangan xato va kamchiliklarga jiddiy baho berilgan. 

Ortiqxo‘jayev amalga oshirilgan ijobiy ishlarni e’tirof etgan holda  ko‘pgina sohalarda ba’zi mas’ullarning o‘z vazifasiga loqayd, mas’uliyatsizlik, yuzaki yondashish holatlari hamon mavjud ekanligini keskin tanqid qildi. 

Xususan, bunday holatlar maktablar, jumladan, sinflardagi davomat, ta’lim sifati, bitiruvchilarning oliy o‘quv yurtlariga kirishidagi past ko‘rsatkichlar, shuningdek, maktabgacha ta’lim, qurilish, mahallalardagi tozalik, kichik korxonalardagi ish sharoitining talabga javob bermasligi,  ko‘chat ekish jarayonidagi yuzakichilik, chiqindilarni vaqtida olib chiqib ketilmasligi holatlari kuzatilayotganligi ta’kidlandi.

Ishda yo‘l qo‘ygan kamchiliklari uchun tuman hokimining o‘rinbosarlari N.Ismatov, L.Almanov, maktabgacha ta’lim bo‘limi boshlig‘i N.Xanto‘rayeva, xalq ta’limi bo‘limi boshlig‘i O‘.Qurbonov hamda turizm va sport  bo‘limi boshlig‘i B.Nasibaliyev lavozimidan ozod etildi. Tuman hokimi F.Abdullayevga hayfsan berildi.  

Yig‘ilish yakunida mutasaddilarga o‘z faolyatini jiddiy ko‘rib chiqish, tanqidlardan tegishli xulosalar chiqarish, ishda ijobiy o‘zgarishlar qilish vazifasi yuklatildi.  

• Ortiqxo‘jayev
• Toshkent