Toshkentda poyga ishqibozi bo‘lgan yoshlarning qiziqishi va takliflari o‘rganilib, ular uchun maxsus joy tashkil etish masalasi ko‘rib chiqiladi. Bu haqdagi taklif Xalq deputatlari Toshkent shahar Kengashining oltmish ikkinchi sessiyasida shahar hokimi Jahongir Ortiqxo‘jayev tomonidan berildi.

Shahar hokimi poyga ishqibozi bo‘lgan toshkentlik yoshlarning qiziqishi va takliflari o‘rganilib, ular uchun maxsus joy tashkil etish masalasi ko‘rib chiqilishi bo‘yicha taklif ishlab chiqishga topshiriq berdi.

“Toshkent shahrida oxirgi vaqtda yoshlar o‘rtasida “drift”lar qilish ommalashib boryapti. Yoshlarda poyga o‘ynashga, “drift”lar qilishga ehtiyoj bor. Biz har narsaga taqiq qo‘ymasdan, buni oldini olishga eʼtibor berishimiz kerak. Bu jamiyatga zarar beradigan sport emas. Bunga yoshlarning "qoni qaynagan" yoshidagi havaskorligi darajasida qaraganimiz maʼqul.

Agar kerak bo‘lsa, ularga poligon qurib beramiz va xalqaro sportlarni tashkil qilamiz. Bu sayyohlarni jalb qilishga hamda taqiqlangan joylarda bunday ishlarni qilishni oldini olish bo‘ladi", – dedi Ortiqxo‘jayev.

• Avtopoyga
• Ortiqxo‘jayev
• Toshkent