Osiyo taraqqiyot banki matbuot xizmatining xabar berishicha, bank O‘zbekiston hukumatiga homilador ayollar va ularning yangi tug‘ilgan chaqaloqlari uchun perinatal sog‘liqni saqlash xizmatlarini yaxshilashga yordam berish uchun 100 million AQSh dollari miqdorida imtiyozli kredit ajratishni ma’qulladi.

Keltirilishicha, integratsiyalashgan perinatal yordam loyihasi hukumatga butun mamlakat bo‘ylab qariyb 230 perinatal markazni modernizatsiya qilish, ularni zamonaviy energiya tejovchi tibbiy asbob-uskunalar, yangilangan klinik standartlar va protokollar, tibbiyot xodimlarining salohiyati va sifatini ta’minlashda yordam beradi.

Loyiha, shuningdek, perinatal yo‘llanma tizimini takomillashtiradi. Tez yordam guruhlarini kuchaytirish hamda sog‘liq uchun xavflarni erta aniqlash, homiladorlik monitoringi uchun bemorlarning elektron qaydlarini joriy etish orqali tegishli va o‘z vaqtida hayotni saqlab qoluvchi yordamdan foydalanish imkoniyatlarini kengaytiradi.

Osiyo taraqqiyot banki ko‘magi hukumatga maqsadli xabardorlikni oshirish va xulq-atvorni o‘zgartirish bo‘yicha tadbirlarni amalga oshirishga, shuningdek, homilador ayollar va onalarni tibbiy xizmatlarga murojaat qilishga undash uchun akusherlar va hamshiralarni o‘qitishga yordam beradi.

• Osiyo taraqqiyot banki