Qozog‘istonning Ostona shahrida AJ rahbariyatining ishchi yig‘ilishi bo‘lib o‘tdi. Yig‘ilishda, “Yo‘lovchi tashish” va “O‘ztemiryo‘lyo‘lovchi” aksiyadorlik jamiyati o‘rtasida yo‘lovchi tashishni rivojlantirish va ikki davlat o‘rtasidagi sheriklikni mustahkamlash masalalari muhokama qilingan.

Muzokaralar yakunida turistik poyezdlarning harakatlanishi bo‘yicha kelishuv imzolangan va qo‘shma loyihalarni amalga oshirish bo‘yicha ishchi guruh tuzilgan. “Jibek joli” sayyohlik poyezdi qatnovining yo‘lga qo‘yilishi birinchi qadamlardan bo‘lgan.

Shuningdek, sayyohlik salohiyatini rivojlantirishda muhim qadam bo‘ladigan yangi xalqaro yo‘nalishlar, jumladan, Ostona-Samarqand yo‘nalishlarini ochish imkoniyatlarini ham ko‘rib chiqilgan.

O‘zbekistonning taklifi bilan “Olmaota – Toshkent” yo‘nalishidagi 1/2-sonli poyezdning harakatlanish jadvali qayta ko‘rib chiqilib, yo‘lovchilar uchun jo‘nab ketish va kelish vaqtlari yanada qulaylashtirilgan.

1/2-sonli “Olmaota-Toshkent” poyezdi o‘tgan yili 72 mingdan ortiq yo‘lovchini tashigan, bu esa mazkur yo‘nalishga bo‘lgan qiziqish yuqori ekanligini bildiradi. Mamlakatlar o‘rtasidagi yo‘nalish uzunligi 988 km.ni tashkil etadi.

• Hamkorlik
• O‘zbekiston
• Qozog‘iston
• Temir yo'l