FlyArystan aviakompaniyasining Ostona—Toshkent reysi yo‘lovchilari ikki kundan beri parvoz qila olmayapti. Bu haqda Tengrinews xabar bermoqda.

Yo‘lovchilarning so‘zlariga ko‘ra, samolyot 21-yanvar kuni kechqurun Ostonadan uchishi kerak bo‘lgan. Biroq noqulay ob-havo sharoiti tufayli parvoz amalga oshmagan.

Ta’kidlanishicha, Toshkentga parvozni asosan bolali ayollar va nogironligi bo‘lgan shaxslar kutayotgani ma’lum qilindi.

Bir sutka ichida yo‘lovchilar WhatsApp messenjeri orqali reysning kechikishi haqida bir qator bildirishnomalar olgan.

Barcha yo‘lovchilar uylariga borishga, ba’zilari esa aeroportda tunab qolishga majbur bo‘layotgani aytilmoqda. Ayniqsa, u yerda bugun, yarim tundan so‘ng ro‘yxatdan o‘tish muddati tugayotgan O‘zbekiston fuqarolari ham bor. Ya’ni, ular o‘z vaqtida chiqib ketishni xohlashgan bo‘lsa-da, ularni boshqa yo‘l bilan deportatsiya qilishlari mumkin.

Ostona xalqaro aeroporti ma’lumotlariga ko‘ra, FlyArystan aviakompaniyasining Toshkentga reysi 23-yanvar kuni soat 05:50 ga rejalashtirilgan. Biroq hozirda parvoz amalga oshgan yoki yo‘qligi noma’lum.

• Ostona
• Samolyot