Rossiya Federatsiyasi hududida qarovsiz qolgan to‘rt nafar voyaga etmagan O‘zbekiston fuqarosi vataniga qaytarildi.

“Dunyo” agentligining yozishicha, ota-onalari Rossiya huquq-tartibot idoralari tomonidan hibsga olinganidan keyin bolalar qiyin ahvolga tushib qolgan. Ota-onalar xorijlik fuqarolarni vaqtincha saqlash markazida, Rossiyadan deportatsiya qilinishini kutishmoqda.

Ularning ota-onalari hibsga olingani sababli, bolalar vaqtincha oila do‘stlari qaramog‘ida qoldirildi. Bu vaziyatdan xabar topgan Rossiyadagi o‘zbek diplomatlari darhol bolalarni qidirishga kirishgan. Bolalar turgan joyni aniqlagan diplomatlar bolalarning o‘z vataniga tez va xavfsiz qaytishini ta’minlash uchun Rossiya rasmiylari bilan yaqindan hamkorlik qildi.

Ayni damda bolalar O‘zbekistonda bo‘lib, O‘zbekiston Respublikasi qonunchiligida belgilangan tartibda ularni qarindoshlari bilan qo‘shish yoki kelajakdagi homiylikni belgilash choralari ko‘rilmoqda. Deportatsiyani kutayotgan ota-onalarning keyingi taqdiriga oydinlik kiritilmoqda. Ota-onalarning hibsga olinishi sabablari va ularni deportatsiya qilish muddati haqidagi tafsilotlar tergov manfaati uchun oshkor etilmayapti.

• O‘zbekiston
• Rossiya