Davlat statistika qoʻmitasi maʼlumotlariga koʻra, 2021-yilning yanvar-oktyabr oylarida Oʻzbekistonga qiymati 110,2 mln. AQSh dollariga teng boʻlgan 300 mln. litrdan ziyod avtomobil benzini import qilingan.

Keltirilishicha, avtomobil benzini importi oʻtgan yilning mos davriga nisbatan 128 mln. litrga oshgan.

Taʼkidlanishicha, Oʻzbekiston avtomobil benzinini import qilgan asosiy davlatlar qatoridan Rossiya (142,3 mln. litr), Turkmaniston (136 mln. litr), Qozogʻiston (16 mln. litr), Iroq( 3,6 mln. litr) hamda Eron (1,8 mln. litr) davlatlari oʻrin olgan.

Maʼlum qilinishicha, Oʻzbekistonda 2021-yilning yanvar-oktyabr oylarida 902,7 ming tonna avtomobil benzini ishlab chiqarilgan.

• Benzin
• Import
• statistika