Joriy yilning 9 oyi davomida O‘zbekistonga 1 mln. 135 621 nafar xorijiy sayyohlar tashrif buyurgan va 273 mln. dollar miqdorida turizm xizmatlari eksport qilingan. Bu haqda Turizm va sport vazirligi ma’lum qildi.

Qayd etilishicha, Turizm sohasida tadbirkorlik sub’yektlarini qo‘llab-quvvatlash uchun 9 oy davomida 6,5 mlrd. so‘m miqdorida mablag‘ davlat byudjetidan subsidiya ajratilgan.

Shuningdek, hozirda mahalliy turistlar uchun O‘zbekiston bo‘ylab tashkil etilgan sayohatlarning avia va temiryo‘l chiptalari uchun 15 foiz hamda mehmonxona xizmatlari xarajatlarini qoplash uchun 10 foiz miqdorda subsidiya ajratilmoqda. 1-oktyabr holatiga ushbu maqsadlar uchun 4,8 mlrd. so‘m miqdorida mablag‘ yo‘naltirilgan.

Joriy yilning 9 oyi davomida O‘zbekistonga 1 mln. 135 621 nafar xorijiy sayyohlar tashrif buyurgan va 273 mln. dollar miqdorida turizm xizmatlari eksport qilingan.

Keltirilishicha, hududiy investisiya dasturlari hamda tadbirkorlik sub’yektlarining tashabbuslari bilan 2021-yil davomida turizm va sport sohalarida umumiy qiymati 1 trln. 84 mlrd. so‘m bo‘lgan 318 ta loyiha amalga oshirilgan, buning natijasida esa 2 954 ta yangi ish o‘rni yaratilgan.

• Vazirlik