Madaniy meros agentligi axborot xizmati rahbari Mohinur Imomovaning soʻzlariga koʻra, respublikada jami 124 ta muzey va uning filiallari faoliyat yuritadi.

Respublika muzeylari fondlarida jami 2,5 milliondan ziyod muzey ashyolari va kolleksiyalari mavjud boʻlib, shundan 2 millionga yaqin eksponatlar asosiy fondda saqlanadi. 500 mingdan ziyodi esa ilmiy-yordamchi fonddagi muzey ashyolari va kolleksiyalari hisoblanadi.

Qayd etilishicha, muzeylar va direksiyalarga 4 mln.dan ortiq mahalliy va xorijiy sayyoh tashrif buyurgan. Muzeylar va direksiyalar tomonidan mahalliy va xorijiy tashrif buyuruvchilarga jami 20 milliarddan ziyod pullik xizmat koʻrsatilgan.

Maʼlum qilinishicha, oʻtgan 2022-yilda Oʻzbekiston tarixi davlat muzeyidan Luvrdagi koʻrgazma uchun oʻttizdan ortiq eksponat saralab olingan. 6 dona eksponat hamda etnografiya fondidan qirqdan ortiq eksponat Arab dunyosi instutidagi koʻrgazma uchun tanlab olingan.

Ulardan 14 dona eksponat namoyish etish uchun taqdim etilgan. Mazkur muzey fondlariga jami 3 ming 229 dona buyum qabul qilingan. Bular ichida arxeologiya, numizmatika, etnografiya, tabarruk buyumlar, qurol-aslaha, badiiy asarlar, arxiv va noyob kitoblar mavjud.

• Madaniy meros
• Sayyoh
• muzey