Statistika agentligi dastlabki ma’lumotlarga ko‘ra, 2024-yilning yanvar-dekabr oylarida O‘zbekiston Respublikasi yalpi ichki mahsulot (YAIM) hajmi joriy narxlarda 1 454 573,9 mlrd so‘mni tashkil etib, 2023-yilning mos davriga nisbatan 6,5 foizga o‘sgan.

Sanoat tarmog‘ining o‘sishi 6,8 foizni tashkil etgan va YAIM o‘sishiga ijobiy hissasi 1,7 foiz punktini tashkil etgan.

Qishloq, o‘rmon va baliqchilik xo‘jaligining o‘sishi 3,1 foizni tashkil qilib, YAIM o‘sishiga ijobiy hissasi 0,6 foiz punktini tashkil etgan.

Qurilish ishlari hajmining o‘sishi 8,8 foizni tashkil etgan. Qurilish tarmog‘ining YAIM o‘sishiga ijobiy hissasi 0,6 foiz punktini tashkil qilgan.

Xizmatlar ko‘rsatish sohasida o‘sish sur’ati 7,7 foizni tashkil etgan. Shundan savdo, yashash va ovqatlanish bo‘yicha xizmatlar 11,1 foizga, tashish va saqlash, axborot va aloqa 13,4 foizga hamda boshqa xizmat sohalari 4,5 foizga o‘sgan. Xizmatlar ko‘rsatish sohasining YAIM o‘sishiga ijobiy hissasi 3,3 foiz punktini tashkil qilgan.

Mahsulotlarga sof soliqlar hajmi 6,0 foizga o‘sgan va uning YAIM o‘sishiga ijobiy hissasi 0,3 foiz punktini tashkil etgan.

Ma’lumot uchun, foiz punkti – foizli kattaliklarning o‘zgarishini aniq ifodalash uchun ishlatiladigan birlik hisoblanadi.

• O‘zbekiston
• Yalpi ichki mahsulot