Toshkent shahar hokimi Jahongir Ortiqxo‘jayev poytaxt hududlarning ijtimoiy-iqtisodiy rivojlantirishni reyting baholash natijalariga muvofiq ayrim tumanlar hokimlari, shuningdek, sektor rahbarlariga nisbatan rag‘batlantirish va jarima jazolarini qo‘llash haqida qaror qabul qildi.

Unga ko‘ra, “yaxshi” baholangan Mirobod tumani (Sh.Po‘latov), Bektemir tumani (T. Maxamadziyayev) va Yangihayot tumani (X.Inogamov) hokimlari, ularning o‘rinbosarlari hamda sektor rahbarlari maoshiga 30 foiz ustamalar tegishli mahalliy byudjetlarning qo‘shimcha manba mablag‘lari hisobidan belgilanadigan bo‘ldi.

Shuningdek, Toshkent shahrida “qoniqarsiz” baholangan Shayxontohur tumani (A.To‘xtayev), Uchtepa tumani (F.Abdullayev) va Sergeli tumani (E.Shukurov) hokimlari, ularning o‘rinbosarlari hamda sektor rahbarlariga nisbatan O‘zbekiston Respublikasi Mehnat kodeksining 181-moddasi 2-bandiga muvofiq oylik ish haqidan 30 foiz jarima jazosi qo‘llaniladi.

Eslatib o‘tamiz, 2020 yil 24 sentyabrda O‘zbekiston Prezidenti tomonidan “Hududlarda tadbirkorlikni rivojlantirishning qo‘shimcha chora-tadbirlari”ga bag‘ishlangan yig‘ilishda hududlarni ijtimoiy-iqtisodiy rivojlantirishni reyting baholash yuzasidan topshiriq bergan edi.

• Ortiqxo‘jayev
• Toshkent