Oybek Tursunov Kapitalbank affillangan shaxslari ro‘yxatidan chiqarildi. Bu haqidagi ma’lumotlar Yagona korporativ axborot portalida e’lon qilingan.

Oybek Tursunov moliya muassasasining asosiy aksiyadori bo‘lgani uchun 2021-yilning noyabr oyidan buyon ushbu ro‘yxatga kiritilgan edi.

Ma’lumot o‘rnida aytish joizki, 2021-yil 29-oktyabr kuni Oybek Botirovich Tursunov “Kapitalbank” aksiyadorlik tijorat banki ustav kapitalidagi 34,10 foiz aksiyani sotib olgandi. Shu bilan, Bankdagi u egalik qiladigan jami aksiyalar 50 foizga yetgani haqida xabar berilgan edi.

Bundan tashqari, milliarder Alisher Usmonovga tegishli USM Holding kompaniyasining shoʻba korxonasi bo‘lgan “Telekominvest” noyabr oyida “Kapitalbank”ning 215,3 milliard so‘mlik aksiyalarini sotib olgan edi.

Xususan, “Telekominvest” 2022-yil yanvar oyida “Kapitalbank”ning 8,33 foiz aksiyasini sotib olganidan so‘ng kompaniyaning bankdagi umumiy aksiyalari 25 foizga yetdi.

• Kapitalbank