Iqtisodiyot va moliya vazirligining ma’lum qilishicha, Telegram ijtimoiy tarmog‘ida ish haqi to‘g‘risida ma’lumot beruvchi “Oylikbot” (chat boti) o‘chirilgan. Uning o‘rniga muqobil sifatida yaratilgan, xavfsiz va foydalanish uchun qulay bo‘lgan “Moliyachi” axborot tizimi ishga tushiriladi.

Mazkur dastur ishga tushirilgandan so‘ng, xodimlar bevosita ish haqi va boshqa zarur ma’lumotlarni dasturdan yuklab olish imkoniyatiga ega bo‘lishi mumkin.

“Dasturning ishga tushirilishi haqida rasmiy ma’lumot ijtimoiy tarmoq sahifalarimizda qo‘shimcha axborot tarzida taqdim etiladi”, – deyiladi vazirlik xabarida.