Joriy yilning 20-sentyabr kuni erishilgan kelishuvga ko‘ra, qurolsizlangan va demobilizatsiya qilingan Armaniston qurolli kuchlari xodimlari Ozarbayjonning Qorabog‘ hududidan Xankendi-Lachin va Kalbajar orqali Armanistonga o‘tishlari mumkin. Bu haqda Ozarbayjon Ichki ishlar vazirligi bayonotida aytib o‘tildi.

Bayonotda, harbiy xizmatchilarni Armaniston hududiga o‘tkazish avtobuslar va shaxsiy transport vositalarida amalga oshirilishi ta’kidlangan.

Ma’lumot uchun, Ozarbayjon armiyasi 19-sentyabr kuni Qorabog‘da konstitutsiyaviy tuzum o‘rnatish uchun aksilterror operatsiyasini boshladi.

Qorabog‘dagi noqonuniy arman qurolli kuchlari, taxminan 24 soat davom etgan operatsiyadan so‘ng qurollarini tashladi. Armaniston ma’muriyati o‘z qurolli kuchlarini tarqatib yubordi.

• Ozarbayjon