Ma’lumotlarga ko‘ra, 4-may kuni Ozarbayjon tashqi ishlar vaziri Jeyhun Bayramov Gambiyaga amaliy tashrifi doirasida Marokash Qirolligi tashqi ishlar vaziri, Afrika va marokashliklar bilan hamkorlik vaziri Nosir Bourita bilan uchrashdi. Bu haqda mamlakat TIV axborot xizmati xabar bermoqda.

Xabarga ko‘ra, uchrashuv chog‘ida Ozarbayjon Respublikasi va Marokash Qirolligi o‘rtasidagi ikki tomonlama munosabatlarning turli jihatlari yuzasidan fikr almashilgan.

Shuningdek, vazir Jeyhun Bayramov ikki davlat oʻrtasidagi hamkorlikning bugungi kun tartibiga toʻxtalar ekan, Ozarbayjon va Marokash oʻrtasida savdo, energetika, taʼlim, parlamentlararo aloqalar va boshqa sohalardagi hamkorlikni rivojlantirish uchun keng imkoniyatlar mavjudligini taʼkidladi.

Uchrashuvda vazirlar ikki davlat oʻrtasida umumiy fuqarolik pasporti egalari uchun viza rejimini bekor qilish toʻgʻrisidagi bitimni imzoladilar.

• Marokash
• Ozarbayjon
• Tashqi ishlar vazirligi