O‘zbekiston Respublikasi Fanlar Akademiyasining Bioorganik kimyo instituti olimlari tomonidan yaratilgan “Rutan tabletkalari, 100 mg” preparati COVID-19 koronavirus infeksiyasi bilan kasallangan bemorlarni davolash protokoliga kiritildi. Bu haqida O‘zbekiston Respublikasi Innovatsion rivojlanish vaziri Ibrohim Abdurahmonov “Politics Today” tahririyatiga bergan intervyusida ma’lum qilindi.

Innovatsion rivojlanish vazirligi matbuot xizmati rahbari Nazokat Abduqunduzovaning xabar berishicha, endilikda Sog‘liqni saqlash vazirligi tomonidan Rutan preparatini koronavirusga chalingan bemorlarda, o‘tkir respirator infeksiya bilan bog‘liq bo‘lgan holsizlikning birinchi belgilari paydo bo‘lganida, shifokor tavsiyasiga ko‘ra qo‘llash belgilangan. Rutan preparati Rhus coriaria (Totum) o‘simligidan ajratib olingan dori preparati bo‘lib, klinik sinovlar natijasiga ko‘ra, gripp virusining turli shtammlariga, shuningdek, SARS-Cov-2 virusiga qarshi samarali ta’sir ko‘rsatishi aniqlangan.Klinik sinovlar natijasida Rutan dori preparatining 100 milligrammlik

Klinik sinovlar natijasida Rutan dori preparatining 100 milligrammlik optimal dozasi 6 yoshdan katta bemorlarda xavfsiz qo‘llanishi mumkinligi va uni kuniga 2 marotaba ichish virusning ko‘payishiga to‘sqinlik qilishi, shamollash va yallig‘lanish jarayonlarining oldini olishi, xususan, o‘tkir va atipik pnevmoniya yuzaga kelishiga to‘sqinlik qilishini ko‘rsatgan. Virusning patologik ta’sirga ega bo‘lgan barcha funksional va strukturaviy oqsillarining hosil bo‘lishida ishtirok etuvchi ikkita asosiy konservativ fermentini - 3SL proteazasini va RNKga bog‘liq RNK polimerazasini ingibirlash (to‘xtatish) xususiyati va u o‘simliklardan olingan dori vositasi ekani e’tiborga molikdir. Natijada, organizmda strukturaviy va funksional oqsillar paydo bo‘lmaydi va infeksiyalash qobiliyatiga ega bo‘lmagan yetilmagan viruslar hosil bo‘ladi.

Rutan preparatining afzalligi uning viruslarga qarshi qo‘llanilayotgan boshqa preparatlarga nisbatan toksiklik darajasi nihoyatda past ekani, davolash samarasi yuqoriligi va nojo‘ya ta’sirlari yo‘qligidadir.

O‘zbekiston Milliy universiteti qoshidagi Bioximiya va biofizika instituti bilan hamkorlikda olib borilgan izlanishlar natijasida Rutan preparati kuchli antigipoksik, membranani barqarorlashtiruvchi, antiradikal, antioksidant xususiyatlarga ega ekanligi va uning terapevtik samaradorligi virusga qarshi faolligi bilan uyg‘unlashganligi munosabati bilan COVID-19 bilan kasallangan bemorlarni davolashda preparatning samaradorligi yuqori bo‘ladi. Tadqiqotlar Rutan 100 mg. dori preparatini koronavirus infeksiyasi o‘rta og‘irlikda kechayotgan bemorlarga keng qo‘llashni tavsiya qilish mumkinligini ko‘rsatgan.
https://uz30.media/uz/12012022/ibrohim_abdurahmonov

• Dori
• O‘zbekiston
• koronavirus