Qirg‘iziston Milliy xavfsizlik qo‘mitasi xodimlari Qirg‘iziston va O‘zbekistonni bog‘lovchi yana bir maxfiy yer osti yo‘lini aniqladi.

Maʼlum bo‘lishicha, joriy yilning 4-iyun kuni O‘sh viloyatining Qora-Suv shahridagi turar-joy qo‘shimcha binosining beton qoplamasi ostidan yer osti yo‘li qazilgani aniqlangan. Uning chuqurligi 17,5 m bo‘lib, Tunnelga kirish 1,8 m, kengligi 70-80 sm. Umumiy uzunligi taxminan 155 metrni tashkil qilgan.

Hozirda har ikki davlat huquq-tartibot idoralari ushbu tunnelni kim va nima uchun qazigani, undan kontrabanda yoki boshqa holatlarda foydalanilgan yoki yo‘qligi yuzasidan tekshiruv olib borilmoqda.

Eslatib o‘tamiz, avvalroq xuddi shunday holat O‘sh viloyati Qora-Suv tumani Telman qishlog‘ida aniqlangan edi.

• Chegara
• O‘zbekiston
• Qirg‘iziston