Joriy yilning yanvar-oktyabr oylarida Oʻzbekiston 12 million AQSh dollarlik 613 ta elektromobil import qilgan. Bu haqda Davlat statistika qoʻmitasi maʼlum qilgan.

Qayd etilishicha, joriy yilning 10 oyida Oʻzbekiston Xitoydan 551 ta, Turkiyadan 24 ta, Litvadan 13 ta, Germaniyadan 9 ta, AQShdan 7 ta, Koreyadan 5 ta, Ispaniyadan 2 ta, Rossiyadan 1 ta va Gonkongdan 1 ta elektromobil import qilgan.

Oʻtgan yilgi solishtirmalariga koʻra, elektromobil importi 526 taga yaʼni, qariyb 7 barobarga oshgan.

Keltirilishicha, 2021-yilning oktyabr oyida Oʻzbekiston xorijdan 55 ta elektromobil import qilgan.

• Elektromobil
• Import
• O‘zbekiston