O‘zbekiston metallurgiya sohasiga 2022-yil yakuniga qadar 13 ta investitsiya loyihasi doirasida 486 million dollarlik xorijiy bank kreditini jalb qiladi. Bu haqida 2022-2026 yillarga mo‘ljallangan taraqqiyot strategiyasini 2022-yilda amalga oshirish bo‘yicha “yo‘l xaritasi”da so‘z boradi.

Qayd etilishicha, metallurgiya sohasida yirik investitsiya loyihalarini amalga oshirish, ishlab chiqarish hajmlarini oltin va kumush bo‘yicha mos ravishda 26 va 42 foizga, mis va qora metall mahsuloti bo‘yicha 2 barobarga oshirish maqsadida 486 million dollarlik xorijiy bank krediti jalb qilinishi qayd etilgan.

Bundan tashqari, “Navoiy KMK” AJda 2026-yilgacha qimmatbaho metallar ishlab chiqarishni oshirish dasturi doirasida 1,6 milliard dollarlik 16 ta investitsiya loyihasi amalga oshiriladi.

Loyihalar amalga oshirilishiga Iqtisodiy taraqqiyot vazirligi, “Navoiy KMK” AJ hamda Investitsiyalar va tashqi savdo vazirligi mas’ul ijrochi sifatida qayd etilgan. Bosh vazir o‘rinbosari Jamshid Qo‘chqorov esa jarayonni nazorat qiladi.

• Loyiha
• Metallurgiya