“Forbes” jurnali O‘zbekistonni 2022-yilda sayohat qilish uchun eng yaxshi 50 talik ro‘yxatiga kiritdi.

Nashrning qayd etishicha, O‘zbekistonda YuNESKOning butunjahon merosi ro‘yxatiga kiritilgan madaniy meros obyektlari va qadimiy buyuk ipak yo‘li shaharlariga sayohat qilish imkoniyati borligi bilan ahamiyatlidir.  Shuningdek, unda Xiva, Buxoro, Samarqand va Toshkent shaharlaridagi tarixiy binolar va sayyohlik salohiyatining o‘ziga xos jihatlari haqida ma’lumot berilgan. 

O‘zbekistonning ta’sirchan infratuzilmasi O‘zbekiston poytaxti Toshkentdan Buyuk Ipak yo‘lidagi Samarqand, Buxoro va Xiva bekatlariga osongina sayohat qilish imkonini beradi. Uchta shahar tezyurar poyezdlar bilan yaxshi bog‘langan, deyiladi xabarda.

Aytish joizki, ushbu ro‘yxatda Xiva shahrining Ichan-qal’a madaniyat maskani, Buxoroning ko‘plab naqshinkor qadimiy madrasalari, ayniqsa,  Buxora arki alohida tilga olinib, savdo gumbazlarida suvenirlar sotib olishni unutmang, deyiladi. Shuningdek, Samarqand o‘zining nafosatli va betakror Registon maydoni bilan insonni hayratga solishi qayd etilgan. Xususan, poytaxt Toshkentda joylashgan Hyatt Regency mehmonasiga sof hashamatlilik ta’rifi berilgan.

Ushbu reyting mualliflar tomonidan 2020-yilgacha sayohat uchun eng mashhur yo‘nalishlar asosida tuzilgan.

Ma’lumot o‘rnida, Antarktika, Janubiy Amerikaning Peru, Misrning Sharm el-Sheyh shaharlari birinchi uchtalik ichidan joy olgan.

• Buxoro
• Jahon
• Samarqand
• Xiva
• reyting