Prezident Shavkat Mirziyoyev Jahon banki guruhining Xalqaro tiklanish va taraqqiyot banki hamda Xalqaro moliya korporatsiyasining qo‘shimcha aksiyalarini sotib olish to‘g‘risidagi qarorni imzoladi.

Unga ko‘ra, O‘zbekiston Xalqaro tiklanish va taraqqiyot bankining qo‘shimcha 762 ta aksiyasini 11,48 mln AQSH dollariga xarid qiladi. Bundan tashqari, taklif etilgan 80,45 mln AQSH dollari miqdoridagi qo‘shimcha aksiyalar bo‘yicha to‘lov bankning xabarnomasiga asosan belgilangan tartibda amalga oshiriladi.

12,78 mln evaziga esa Xalqaro moliya korporatsiyasining 12 781 ta qo‘shimcha aksiyasi sotib olinadi. 

Qarorda Moliya vazirligi 2022–2025-yillar uchun davlat budjetini shakllantirishda aksiyalar bo‘yicha mablag‘ ajratishni ko‘zda tutishi belgilangan. O‘zbekiston Xalqaro tiklanish va taraqqiyot bankining aksiyalari uchun to‘lovni 2 yilda, Xalqaro moliya korporatsiyasi qo‘shimcha aksiyalari uchun to‘lovni 4 yilda amalga oshirishni rejalashtirmoqda.

• Jahon banki
• O‘zbekiston