O‘zbekiston Afg‘onistonning Hirot shahridagi “Guzargoh” masjidida 2022-yil 2-sentabr kuni juma namozi paytida sodir etilgan hamda tinch aholi orasida ko‘plab insonlarning qurbon bo‘lishi va jarohatlanishiga sabab bo‘lgan terrorchilik harakatini qat’iy qoralaydi. Bu haqda Tashqi ishlar vazirligi matbuot xizmati xabar berdi.

“Bu kabi qabih harakatlar Afg‘onistondagi vaziyatning  keskinlashishiga olib kelishi barobarida, mamlakatda uzoq muddatli va barqaror tinchlik hamda milliy totuvlikning o'rnatilishiga to‘sqinlik qiladi”,— deyiladi TIV bayonotida

Shuningdek, vazirlik halok bo‘lganlarining oila a’zolari va yaqinlariga hamdardlik bildirib, jabrlanganlarning sog‘ayib ketishini tilagan.

• Afg‘oniston
• TIV
• rasmiy munosabat