O‘zbekistonda yanvar-fevral oylarida iste’molchilarga qo‘shimcha ravishda 256 ming 038 tonna ko‘mir mahsuloti yetkazib beriladi. Bu haqda Energetika vazirligi matbuot xizmati xabar berdi.

Ma’lum qilinishicha, O‘zbekistonda 2021-yilda iste’molchilarga jami 5 million 465 ming tonna ko‘mir mahsulotlari yetkazib berilgan. Shuningdek, “O‘zbekko‘mir” tomonidan 2021-yil uchun belgilangan ko‘mir yetkazib berishning barcha ko‘rsatkichlari ortig‘i bilan muddatidan oldin bajarilgan.

Xususan, 2021-2022 yillar kuz-qish mavsumi uchun byudjet tashkilotlariga 450 ming tonna, aholi iste’molchilari uchun 705 ming tonna mahalliy ko‘mir yetkazib berilgan.

Xabarda berilishicha, iste’molchilarning talablaridan kelib chiqib, 2022-yil yanvar-fevral oylarida qo‘shimcha ravishda 256 ming 038 tonna ko‘mir mahsuloti yetkazib beriladi.

• Energetika_vazirligi