Kecha, 17-may kuni AppDynamics (Cisco) kompaniyasi vakillariga O‘zbekistonda o‘z vakolatxonasini ochish va masofaviy xizmatlarni kengaytirish bo‘yicha takliflar berildi. Bu haqida Axborot texnologiyalari va kommunikatsiyalarini rivojlantirish vazirligi xabar berdi.

Ta’kidlanishicha, AKT vaziri Sherzod Shermatov Cisco kompaniyasining Markaziy Yevropa va MDH davlatlari bo‘yicha mintaqaviy direktori Aleks Donoyu bilan uchrashuv o‘tkazgan.

Uchrashuvda kompaniya vakillari bilan loyihalarni amalga oshirish masalalari muhokama qilingan. 

Uchrashuv davomida Cisco kompaniyasi O‘zbekistonda IT innovatsiyalar va yangi raqamli texnologiyalar bo‘yicha strategik loyihalarni amalga oshirishdan manfaatdor ekanligini bildirgan. 

Shu bilan birga, AKT vazirligi tomonidan o‘zaro manfaatli hamkorlikni kengaytirish maqsadida kompaniya vakillariga O‘zbekistonda o‘z vakolatxonasini ochish va masofaviy xizmatlarni kengaytirish bo‘yicha takliflar berilgan. 

• AKT
• MDH
• O‘zbekiston
• Shermatov