O‘zbekistonning Vashingtondagi elchixonasi va Nyu-Yorkdagi Bosh konsulxonasi uzoq yillardan buyon O‘zbekiston fuqarolarining o‘z vatanlariga xavfsiz deportatsiyasini ta’minlash maqsadida AQShning tegishli huquq-tartibot idoralari bilan yaqindan hamkorlik qilib kelgan.

“Bizning kelishuvlarimizga asosan, Amerika tomoni deportatsiya qilinadigan fuqarolarimizning har bir holati haqida tezkorlik bilan xabardor qiladi. O‘rnatilgan amaliyotga ko‘ra, fuqarolarimiz vatanga Nyu-York-Toshkent yo‘nalishi orqali qaytadi”, — deydi Tashqi ishlar vazirining matbuot kotibi Ahror Burhonov.

Shuningdek, Kosta-Rika hukumati AQShdan deportatsiya qilingan 200 nafar muhojirni, jumladan O‘zbekiston, Qozog‘iston, Qirg‘iziston, Pokiston va Hindiston fuqarolarini qabul qilishga tayyorligini bildirgan.

Muhojirlarni qabul qilish qarori esa mamlakatning inson huquqlari siyosatiga mos kelishi va AQShdan hech qanday maxsus shartlarni o‘z ichiga olmasligi ma’lum qilinmoqda.

• AQSh
• Tashqi ishlar vazirligi
• muhojir