Joriy yilning 22-noyabr sanasi bilan O‘zbekiston Adliya vazirligining lex.uz saytida O‘zbekiston Respublikasi Prezidenti huzuridagi Loyiha boshqaruvi milliy agentligi direktorining buyrug‘i ro‘yxatdan o‘tkazilgan.

Hujjatga ko‘ra, O‘zbekiston fuqarolari kriptoaktivlar, tokenlar bilan milliy valyutada kriptobirja savdolarini amalga oshirish huquqiga ega. Norezidentlar esa bu ishni chet el valyutasida amalga oshiradi.

Bunda biror-bir moddiy va boshqa mulk bilan ta’minlanmagan tokenlarni chiqarish, ro‘yxatdan o‘tkazish va joylashtirish ta’qiqlanadi. "Kripto-birja ta’minlanmagan tokenlarni chiqarganligi, chiqarishni ro‘yxatdan o‘tkazganligi,
joylashtirganligi va muomalaga kiritganligi uchun qonunchilik hujjatlariga muvofiq
javobgarlikka tortiladi", – deyiladi hujjatda.

Shu bilan bir qatorda,chiqarilgan tokenlarning nomlanishi yoki ramzlarida “davlat”, “davlat tomonidan
ta’minlangan”, “davlat tomonidan qo‘llab-quvvatlangan”, “O‘zbekiston”, “o‘zbek”, “milliy”, “so‘m
(UZS)” hamda O‘zbekiston Respublikasi shaharlarining nomlarini to‘liq yoki qisqartirilgan shaklda,
shuningdek ularning birliklaridan foydalangan holda, istalgan tilda va har qanday shaklda
ishlatishni taqiqlanadi.

• Adliya
• Agentlik
• Loyiha
• O‘zbekiston