Bandlik va mehnat munosabatlari vaziri Nozim Xusanov hamda “OPASCA GmbH” kompaniyasi vakillari ishtirokida videokonferensiya shaklida uchrashuv bo‘lib o‘tdi.

Unda O‘zbekistonda xorijda ishlash istagida bo‘lgan fuqarolar uchun yaratilgan imkoniyat va imtiyozlar, xususan, kasb va chet tillariga o‘qitish, xorijda huquq va manfaatlarini himoya qilish borasida amalga oshirilgan ishlar haqida ma’lumot berilib, O‘zbekiston fuqarolarini Germaniyada ishga jalb qilish masalalari muhokama qilingan.

Uchrashuv davomida O‘zbekiston Respublikasi Bandlik va mehnat munosabatlari va Sog‘liqni saqlash vazirliklari hamda “OPASCA GmbH” kompaniyasi o‘rtasida O‘zbekiston Respublikasi fuqarolarini Germaniyaga tashkillashtirilgan tarzda ishga jalb qilish bo‘yicha shartnoma imzolangan.

Mazkur shartnoma doirasida fuqarolarni tibbiyot sohasining hamshiralik yo‘nalishi bo‘yicha ishga yuborish ko‘zda tutilishi qayd etilgan.

• Germaniya
• Mehnat_vazirligi
• O‘zbekiston