“Uzbekistan Airways” milliy aviakompaniyasining samolyoti “Minsk” milliy aeroportiga qo‘ngach, uchish-qo‘nish yo‘lagidan chiqib ketgan. Bu haqida Minsk aeroportining telegram kanalida chop etilgan xabarda ma’lum qilingan.

Shuningdek, ushbu hodisa yuzasidan “Uzbekistan Airways” AJ rasmiy munosabat bildirdi.

17-yanvar kuni Toshkent-Minsk yo‘nalishidagi HY-709 qatnovni amalga oshirgan Uzbekistan Airways aviakompaniyasiga tegishli Airbus A-320 havo kemasi kuchli qor yog‘ishi va qor bo‘roni vaqtida 13:35 (Toshkent vaqti bilan) Minsk Milliy aeroportiga muvaffaqiyatli qo‘ndi. Biroq, havo kemasi boshqaruv vaqtida uchish-qo‘nish yo‘lagidan tashqariga chiqib ketdi. Favqulodda vaziyat vaqtida havo kemasi sahnida 11 nafar ekipaj a’zolari va 115 yo‘lovchi bo‘lib, ular orasida zarar ko‘rganlar yo‘q. Hodisa natijasida havo kemasi zarar ko‘rmagan, deyiladi xabarda.

• Uzbekistan airways